Aus Grossscham
Vor korzem war a Bericht,
Trappgäns fange war die Gschicht.
Vum Hase fange war aa die Red,
Des is wirklich a grosses Gfret.
Un da in Grossscham a so etwas war,
Muss ich euch das vrzähle klipp un klar.
Als aamol a Jachttach war,
Die Witterung schön hell un klar,
Sitze vier Hase ufm Geiseberch,
Der is net weit von der Kerch.
Sie spile des Alschosch-Gspiel
Net weit vom Lauritz seiner Miehl.
Jetz kumme die Jäger angeruckt,
Mancher grad, mancher gebuckt.
Der erschti war dr Vetter Jerch,
Der kummt am Grawe bei der Kerch.
Da saat der ani Has: " Der gsieht net gut,
Spiel mr weiter rot is Adut."
In aner Weil kummt dr Gluting Hans
Glei hine no de Kincser Franz.
Do saat d'anri Has: "Ach was,
Vun dene han mir ke Angscht, die mache Gschpass."
Jetz kummt d'Heinrich Vetter
Sucht in de Säck un saat Dunnerwetter,
Die Patrone han ich schun wieder d'ham,
Un kumm do mit vier Hase zamm.
Gar gut wisse des die Hase,
Drum mache se ihm a langi Nase.
Jetz kummt d'Rohr Jani mit seim Wahn
Un fahrt an de Geiseberch tran.
Er war schun in grösster Freid,
Wie viel Hase er schiesse wird heit,
Un wie er gsieht die spiele dort,
Saat er, des gibt a vielfache Mord.
Die Hase lache ne awr aus,
Der anri spielt grat d'Atu raus.
Heit geht wieder mol d'Andres Kaufmann uf die Jacht.
Do gibts a Schiesserei das alles kracht.
Die Hase saan, des is a Jägersmann
Mit dem mr alles mache kann.
Un als de Kietze aus'm Dorf raus kummt
Un vor sich etwas brummt,
Do spitze die Hase die Ohre, de kenne se gar gut,
Denn wann der kummt gibts immer Blut.
Der ani will spiele grad Ultimo
Do saat der anri: "Awer jetz alli mir no."
Sie renne d'berch nunner was se kenne.
Die Jäger awer tun aner de anre verschene,
Im Tal am End vom Geissberch
Kumme se alli zamm mit dem Vetter Jerch.
Dort steht awer aa d' Kempfer Paul,
Iwer de schaue se: "Ihr wart im arangiere faul,"
(Diese Zeilen sind ein "Fundstück" auf einem Blatt Papier
- Leider ist mir der Autor nicht bekannt.)
De Teiwl
.
In Perkos is de Teiwl los,
In Scham is er dr ham,
In Klogodin is er Mitte drin!
In Perkos is de Teiwl los,
In Scham is er dr ham,
In Klogodin is er Mitte drin!
Volksmund - Anmerkung: Perkos (Percosova) und Klogodin (Clopodia) sind Nachbarsdörfer
